...

Böyük Avropa şirkəti Azərbaycanın dəniz yataqlarının işlənməsində maraqlıdır

Energetika Materials 27 Dekabr 2007 15:02 (UTC +04:00)

Azərbaycan, Bakı/ Trend müxbir S.Əliyev/ Almaniyanın RWE şirkəti Azərbaycan Dövlət Neft Şirkətinə (ARDNŞ) , Xəzərin Azərbaycan sektorundakı "Babək" və "Naxçıvan" dəniz strukturlarında işləməyin mümkünlüyünü öyrənməklə bağlı təkiflə müraciət edib. Bu barədə cümə axşamı ARDNŞ-ın məlumatlandırılmış mənbələri xəbər verib. Dövlət Neft Şirkətindən RWE-nin "Əşrəfi" və ya "Abşeron" kimi struktruların işlənməsi layihəsində digər alman şirkəti "Wintershall" ilə birlikdə çıxış edəcəyini bildiriblər.Almaniyanın "Wintershall" şirkəti "Əşrəfi" yatağının işlənməsinə dair qarşılıqlı anlaşma haqqında memorandum imzalayıb. Lakin Dövlət Neft Şirkətindən verilən xəbərə görə, bu layihə üzrə aparılan danışıqlar hələ ki, heç bir nəticə verməyib. Almaniyanın energetika şirkəti RWE yaxın vaxtlarda Asiya qazının Avropaya ixracı üçün tikiləcək Nabucco qaz kəməri üzrə konsorsiumun iştirakçısı olmaq niyyətindədir. Azərbaycanın perspektivli yataqlarının işlənməsi bu şirkət üçün böyük maraq kəsb edə bilər. RWE Group Avropanın aparıcı inteqrasiya olunmuş elektrik və qaz şirkətlərindən biri sayılır. 2006-cı ildə şirkət 3.8 mlrd. avro xalis gəlir olmaqla 44 mlrd. avro gəlir əldə edib. İlkin məlumatlara görə, yatağın ehtiyatları 35-40 mln. ton neft və 20-25 mlrd. kubmetr qaz həcmində qiymətləndirilir. "Əşrəfi-Dan Ulduzu" perspektiv dəniz strukturunun işlənməsinə dair müqavilə 1996-cı il dekabrın 14-də imzalanıb. Layihənin iştirakçıları aşağıdakı kimidir: BP - 30%, "Unokal" - 25,5%, "Itochu" - 20%, "Delta Hess" - 4,5%, ARDNŞ - 20%. Layihə kommersiya baxımından əhəmiyyətsiz karbohidrat ehtiyatlarının aşkar olunması ilə əlaqədar bağlanıb. "Abşeron" dəniz perspektiv strukturu üzrə tərəfdaşlara aşağıdakılar daxil olub: Amerikanın "ChevronTexaco" (operator) - 30%, ARDNŞ - 50%, Fransanın "Total" şirkəti - 20%. Layihə kmmersiya baxımından əhəmiyyətsiz karbohidrat ehtiyatlarının aşkar olunması ilə əlaqədar bağlanıb. "Naxçıvan" perspektiv dəniz strukturunun işlənməsinə dair müqavilə 1997-ci il avaqustun 1-də imzalanıb. Layihənin iştirakçıları aşağıdakı kimi olub: "ExxonMobil" - 50%, ARDNŞ - 50%. Layihə kommersiya baxımından əhəmiyyətsiz karbohidrat ehtiyatlarının aşkar olunması ilə əlaqədar bağlanıb. "Babək-Ümid" strukturu Bulla-Dəniz yatağından cənubda - Bakıdan 80 km. məsafədə yerləşib. Suyun dərinliyi 100 metrdən 300 metrədəkdir. Səmərəli laylar təxminən 3000-3500 metr dərinlikdə yerləşir. Strukturun ehtiyatları 100 mln. ton neftdir.

Xəbər lenti

Xəbər lenti