Azərbaycan, Bakı / Trend / Dövlət Neft Şirkətinin (ARDNŞ) verdiyi məlumata görə, ARDNŞ-ın kompleks qazma işləri tresti bu il müstəqil sürətdə neft və qaz yataqlarında 105 quyu istismara verib.
Dövlət Neft Şirkəti dənizdə və quruda 58 yataqda hasilat işləri aparır.
Ümumi quyuların sayından 22-də qaz, qalanlarında isə neft hasil edilir .
Yüksəkdebitli quyular əsasən "Günəşli", "Neft Daşları" və "Ələt Dəniz" yataqlarında qazılıb.
Yanvar-noyabr aylarında Dövlət Neft Şirkətinin neft-qaz istehsalı idarəsi tərəfindən 6,98 mln. ton neft və 5,25 mlrd. kub metr qaz hasil edilib.
