Azərbaycan, Bakı, 13 fevral/ Trend , müxbir İ.Xəlilova/ 2001-ci ildən özəlləşdirmə üçün açılan Sumqayıt superfosfat zavodunun istehsal gücünün bərpa edilməsi üçün birinci mərhələdə 4,85 mln. manat tələb olunur. Bu barədə sağlamlaşdırma proqramının təqdimatında müəssisənin rəhbəri Eldar İsmayılov məlumat verib.
Proqrama əsasən, 1992-ci ildə ölkənin tələbatının 690 min ton təşkil etdiyi superfosfor turşusunun istehsal həcmini artırmaq və fosfor gübrələrinin (1,2 mln. ton) istehsalını bərpa etmək təklif olunur. Lakin bu gün zavodda superfosfor turşusu istehsalının hazırki gücünün (240 min ton) yalnız 8-10 faizi istehal edilir. Gübrə istehsalı xətti isə dayandırılıb.
"Superfosfor gübrəsi sənaye kompleksi üçün çox vacib xammaldır. Lakin nəqliyyat xərcləri, bu yükün təhlükəli olmasına görə, 1,5 dəfə çoxdur. Buna görə, onun maya dəyəri yüksəkdir", - İsmayılov hesab edir.
Rusiyanın "Energy West" şirkəti tərəfindən özəlləşdirilən "Rustavski azot" İB-nin bazasında ammonium sulfatın istehsalı üçün bu turşuya tələbatın artması ilə əlaqədar, Azərbaycanın məhsulu regional qiymət alır.
Martda Gürcüstan müəssisəi ildə 80 min ton ammonium sulfat istehsalına nail olmaq niyyətindədir. Sumqayıt zavodunun rəhbəri hesab edir ki, ammonium sulfatın bir tonunun dəyəri $70-75-dən $230-240-dək artdığı üçün, müvafiq olaraq, Azərbaycandan xammal (superfosfor turşusu) tədarükü sərfəli biznes olub.
"Biz bununla əlaqədar olaraq, Rustavi zavodu ilə Gürcüstana xammal tədarükü haqqında danışıqları bərpa etmək niyyətindəyik", - İsmayılov bildirib.
Bu, sperfosfor turşusu istehsalının həcmini istehsal xətti gücünü 70-80 faizinədək artırmağa və 2008-ci ildə 170-180 min tona çatdırmağa imkan verəcək.
Müəssisə rəhbərinin rəyinə görə, superfosfat zavodunda istehsalın bərpa proqramının tətbiqi nəticəsində, iş yerlərini hazırki 330 nəfərdən 1100 nəfərədək artırmaq mümkün olacaq.
Zavod 1961-ci ildə istismara verilib.
Məqalə müəllifinin ünvanı: [email protected]
