Azərbaycan, Bakı, 01 may / Trend , müxbir E.İsmayılov/ Azərbaycan Dövlət Neft Şirkətinin (ARDNŞ) "Abşeronneft" Neft -Qaz Çıxarma İdarəsini (NQÇİ) tərəfindən işlənilən "Abşeron bankası" dəniz yatağında ay ərzində, qabaqlayıcı qazma proqramı çərçivəsində iki yeni qaz quyusunun istismara verilməsi planlaşdırılır. Bu barədə cümə axşamı "Abşeronneft"dən məlumat verilib.
ARDNŞ bu yataqda birinci qaz quyusunu istimara verib. Quyu sutkada təxminən 50 min kub metr qaz verir. Quyunun dərinliyi 1617 metrdir. Yatağın bu hissəsində stasionar platforma quraşdırılıb və qaz kəməri çəkilib.
Yaxın zamanlarda "Qərbi Abşeron" yatağında yeni kəşfiyyat quyusunun qazılması planlaşdırılır. " Bu quyunun qazılması nəticəsində növbəti quyunun qazılacağı da məlum olacaq" - deyə NQÇİ nümayəndəsi bildirib.
Bu iki kəşfiyyat quyusunun qazılması yataqda ehtiyatların dəqiqləşdirilməsi və konturlarının çəkilməsi üçün lazımdır.
Müəlliflə əlaqə saxlamaq üçün elektron ünvan capital
