Azərbaycan, Bakı, 1 may/ Trend / Azərbaycan Dövlət Neft Şirkətinin Xəzər Dəniz Neft Donanması "Qurban Abbasov" gəmisinin təmiri üçün ehtiyat hissələrin alınmasına tender elan edib.
Yük alıcısı avadanlığın və ehtiyat hissələrin göndərilməsini müqavilə imzalanan gündən başlayaraq üç aydan gec olmayaraq həyata keçirməlidir. Avadanlıq və ehtiyat hissələrinin dəyəri yükün göndərilməsindən sonra bir müddətində hissə-hissə ödəniləcək.
Tenderin iştirakçıları iddiaçı qismində iştirak haqqında və digər sənədləri 2008-ci il iyunun 11-dən gec olmayaraq "XDND"ə təqdim etməlidirlər.
Təkliflərin qiymətləndirilməsi zamanı üstünlük aşağıdakı meyarlara veriləcək: ehtiyat hissələrinin dəyəri, səciyyəvi bacarıq (gəmilərin ehtiyat hissələrlə təchizatı sahəsində), göndərmə tarixi.
Tender təklifləri 2008-ci il iyunun 19-dək qəbul ediləcək, 2008-ci il iyunun 19-da saat 11:00-da "XDND"nın binasında isə açıqlanacaqlar.