Azərbaycan, Bakı, 02 may/ Trend , müxbir E.İsmayılov/ "Bakqaz" İstehsalat Birliyi (Bakıya qaz verilməsi və paylanması) Azərbaycanda təbii qaz hasilatı həcminin artması ilə bağlı olaraq, qaz verilməsində rejim dəyişikliklərini ləğv edib. Bu barədə cümə günü İB-dən məlumat veriblər.
Əvvəllər aprelin ortalarından İstehsalat Birliyi yay iş rejiminə keçirdi. Bu, qış dövrü ilə müqayisədə, abunəçilərə qaz verilməsi həcminin azalması ilə müşayiət olunurdu.
"Bakqaz"dan bildiriblər ki, Bakı əhalisinin qaz sayğacları ilə təmin edilməsi və əhalinin qazdan istifadəyə qənaət etməsi də bu prosesə təsir edib.
Apreldə İstehsalat Birliyi tərəfindən Bakı əhalisinə ümumilikdə təqribən 120 mln. kubmetr təbii qaz verilib. Qış dövründə bu rəqəm 200-250 mln. kubmetr təşkil edib.
Hazırda şəbəkədəki qazın artığı yeraltı qaz anbarlarına vurulur. Yeraltı anbarlara qazın vurulması aprelin 15-də başlayıb.
Müəlliflə əlaqə saxlamaq üçün elektron ünvan: [email protected]
