Azərbaycan, Bakı, 22 may / Trend / Azərbaycan Dövlət Neft Şirkətinin Xəzər Dəniz Neft Donanması "Qurban Abbasov" gəmisinin təmiri üçün ehtiyat hissələrinin alınması ilə bağlı açıq tender elan edib.
Avadanlıq və ehtiyat hissələri saziş imzalandığı gündən sonra üç aydan gec olmamaq şərtilə alıcıya çatdırılmalıdır. Avadanlıq və ehtiyat hissələrinin dəyəri yük göndərildikdən sonra il ərzində ödəniləcək.
Tenderdə iştirak edəcək iddiaçılar iştirak ərizələrini və digər sənədləri 2008-ci il iyulun 1-dək Xəzər Dəniz Neft Donanmasına təqdim etməlidirlər.
Təkliflərin qiymətləndirilməsi zamanı aşağıdakı meyarlara üstünlük veriləcək - ehtiyat hissələrinin dəyəri, xüsusi təcrübə (gəmi ehtiyat hissələrinin təchizatı sahəsində), tədarük müddəti.
Tender təklifləri 2008-ci il iyulun 8-dək qəbul olunacaq və 2008-ci il iyulun 9-da saat 11.00-da Xəzər Dəniz Neft Donanmasının binasında açıqlanacaq.
