Azərbaycan, Bakı, 05 iyun / Trend , müxbir S.Əliyev/ İyunun sonu - iyulun əvvəlində Supsadan 80 min ton həcmində "Azeri Light" növlü neftin tanker partiyası göndəriləcək. Bu neft partiyası Gürcüstanın adı çəkilən limanına Bakı-Sugsa boru kəməri vasitəsilə çatdırılacaq. Bu barədə cümə axşamı jurnalistlərə Azərbaycan Dövlət Neft Şirkətinin (ARDNŞ) yüksək vəzifəli nümayəndəsi bildirib.
İldə 7 mln. ton nəql imkanına malik olan Bakı-Supsa neft kəmərinin operatoru BP şirkətidir. Boru kəməri ilə "Azəri-Çıraq-Günəşli" blokundan hasil edilən yüngül neft ixrac olunur. Bakı-Supsa texniki səbəblərə görə 2006-cı ildən fəaliyyət göstərmir. Boruların təmiri artıq başa çatıb, hazırda test işi və müntəzəm olaraq Bakı-Supsanın neft ilə doldurulması prosesi aparılır.
"Bizim siyasətimiz ondan ibarətdir ki, bütün neft kəmərləri işləyəcək. Azərbaycan üçün bütün bu neft kəmərləri mühümdür", - deyə ARDNŞ-nin yüksək vəzifəli nümayəndəsi bildirib.
Azərbaycan, həmçinin, "Azeri Light" növlü neftin yükləndiyi Bakı-Tbilisi-Ceyhan (operator BP) və ARDNŞ -nin şəxsi neftinin nəql olunduğu Bakı-Novorossiysk (Operator ARDNŞ) neft kəmərlərinə malikdir.
Məqalə müəllifi ilə əlaqə ünvanı: [email protected]