Azərbaycan, Bakı, 06 iyun/ Trend / Dünyada injinirinq xidmətlərinin üçüncü provayderi İngiltərənin AMEC PLC şirkəti BP-nin bütün dünya üzrə dəniz işləri üçün injinirinq xidmətləri və layihələrin idarə edilməsinin təmin olunmasına dair BP International Limited şirkəti ilə saziş bağlayıb.
AMEC bu uzunmüddətli saziş üçün BP tərəfindən seçilmiş üç şirkətdən biridir. Saziş uzadılmaq imkanı ilə növbəti dörd ildə birgə işin prinsiplərini əks etdirir. O, zərurət yarandığı halda, BP-nin layihələrin idarə edilməsi komandasına AMEC-in beynəlxalq mənbələrinə çıxış imkanı verəcək.
BP növbəti 10 il ərzində, əsasən, yeddi strateji bölgənin - Anqola, Asiya-Sakit okean regionu, Azərbaycan, Misir, Meksika körfəzi, Şimal dənizi və Trinidadda reallaşdırılması planlaşdırılan davamlı dəniz işləmələri layihələri proqramına malikdir.
