Azərbaycan, Bakı, 20 iyun/ Trend , müxbir E.İsmayılov/ "Azərbaycan və Türkmənistanın neft və qaz potensialı: energetika, iqtisadiyyat, ekologiya. Əməkdaşlıq strategiyası" konfransının keçirilməsinin əsas məqsədi Azərbaycan və Türkmənistanın yataqlarının birgə kəşfiyyatı, mənimsənilməsi məsələlərinin müzakirəsi, həmçinin,elmi tədqiqatların aparılmasıdır. Bu barədə cümə günü Azərbaycanın sənaye və energetika naziri Natiq Əliyev məlumat verib.
"Əməkdaşlıq strategiyası, bir, iki və ya beş illik strategiya deyil. Bu, ola bilsin ki, onillərlə inkişaf edəcək strategiyadır",- Əliyev söyləyib.
Nazirin rəyinə görə, Azərbaycan və Türkmənistanın çox sayda birgə layihələri var və onlar reallaşdırıla bilər. Konfransda xüsusilə də Azərbaycanın Xəzər dənizində yaratdığı infrastruktur məsələsi və Türkmənistan bu infrastrukturdan istifadəsi imkanları müzakirə olunacaq.
Konfransın bir məqsədi də regionun və Avropa qitəsinin enerji təhlükəsizliyinin təmin edilməsində Azərbaycan və Türkmənistanın birgə əməkdaşlığını nümayiş etdirməkdir. Kofransda hər iki ölkənin ümumi ehtiyatlarının qiymətləndirilməsi məsələlərinin nəzərdən keçiriləcəyi gözlənilir.
Nazirin sözlərinə görə, Cənui Xəzər "neft və qazın geoloji vətəni" olduğundan, birgə nəzərdən keçiriləcək elmi-tədqiqat məsələləri mövcuddur.
Müəlliflə əlaqə saxlamaq üçün elektron ünvan: [email protected]
