Azərbaycan, Bakı, 01 iyul / Trend , müxbir S.Əliyev/ BP şirkəti Azərbaycanın "Şahdəniz" qaz kondensat yatağında növbəti yeni quyunun qazıma işlərinə başlayıb. Bu barədə çərşənbə axşamı hökumətdən bildiriblər.
Növbəti SDX-5 quyusunun dərinliyi 6568 metr təşkil edəcək. Qazıma işləri "İstiqlal" qazıma qurğusu vasitəsilə "Caspian Drilling Company" (CDC) Azərbaycan-Amerika Birgə Müəssisəsi tərəfindən həyta keçirilir. CDC BP-nin "Şahdəniz" layihəsi üzrə podratçısıdır.
"Şahdəniz"də SDX-5 quyusunun qazılması 150-180 gün davam edəcək və yatağın hazırda 1,2 trln. kub metr olan ehtiyyatlarını dəqiqləşdirməyə imkan verəcək.
"Şahdəniz" layihsinin iştirakçıları: BP (operator) - 25,5 faiz, Statoil - 25,5 faiz, NICO - 10 faiz, Total - 10 faiz, LukAgip - 10 faiz, TPAO - 9 faiz, QNKAR - 10 faiz.
Məqalə müəllifi ilə əlaqə ünvanı: capital