Azərbaycan, Bakı, 24 iyul/ Trend / Ekol Mühəndislik Xidmətləri QSC-nin Heydər Əliyev adına Bakı Neft Emalı Zavodunda (BNEZ) yerləşən suyun təmizlənməsi üzrə qurğuları hər gün saatda 1700-1800 kub metr çirkli sənaye suyu emal edir, - QSC-nin məlumatında deyilir.
Qəbul olunmuş normalara (saatda 720 kubmetr su) uyğun emal edilmiş təxminən 40 faiz su BNEZ-in qapalı su təminatı sisteminə, qalan 60 faiz (1080 kub metr) bioloji təmizləmə qurğusuna daxil olur.
Bakı NEZ ölkədə istehsal olunan bütün duru neft məhsullarını emal edir. Bu il zavodda öz vəsaitləri hesabına neft hasil edən ARDNŞ-nin təchiz etdiyi neftin emalı 5 mln. ton nəzərdə tutulub. Yanvar-iyunda BNEZ-də 2,3 mln. tondan çox neft emal edilib. İlk yarımildə zavodda 1,1 mln. ton dan çox dizel yanacağı istehsal olunub. Bu göstərici 2007-ci ilin yanvar-iyununda 525 min ton idi.
QSC il ərzində BNEZ-də 15 mln. ton sənaye - çirkab sulyu təmizləyir.
Çirkli suların aylıq təmizlənməsi 1,3 mln.kub metrdir. Bunun 600 min kub metri qapalı su təminatı sisteminə ötürülür.
Abşeron yarımadasında mövcud ekoloji problemlərin həlli üçün 2006-cı il martın 1-də yaradılmış Ekol Mühəndislik Xidmətləri QSC-nin təsisçiləri ARDNŞ (51 faiz) və Lancer S.A. Services (49 faiz)-dir.