Azərbaycan, Bakı, 30 iyul / Trend / Cari ilin ilk altı ayı ərzində Azərbaycan Dövlət Neft Şirkətinin (ARDNŞ) Xəzər Dəniz Neft Donanması (XDND) balansında olan 52 gəminin təmirini reallaşdırıb. Bu barədə ARDNŞ-ın məlumatında bildirilir.
Gəmilərin ümumi sayından 14-ü zavod təmiri (Donanmanın gəmi təmiri müəssisəsində),15-i cari təmir, 23-ü dok təmiri keçib. 52 gəmidən 38-i ARDNŞ-ın müəssisələrində, 14-ü isə digər təşkilatların müəssisələrində təmir olunub.
İyun ayında təmir 35 gəmidə aparılıb, dörd gəmi isə doka verilib. İyun ayına olan məlumata görə, 18 gəminin təmirə başlanması, yeddi gəminin balansdan çıxarılması gözlənilir.
Hazırda Xəzər Dəniz Neft Donanmasının balansında 258 gəmi var, onlardan 198-i istifadə olunur.
XDND ARDNŞ-ın və Xəzərdə işləyən digər şirkətlərin dəniz əməliyyatlarına yardım göstərir.
