...

2009-cu ildə OPEC-in neft ixracından əldə etdiyi gəlirlər 110 milyard dollar artacaq - EIA

Energetika Materials 12 Sentyabr 2008 16:05

Trend-i buradan izləyin

Azərbaycan, Bakı, 12 sentyabr / Trend , müxbir A.Bədəlova/ ABŞ-ın Enerji Informasiyası Dövlət İdarəsi (EIA) 2009-cu ildə OPEC-in neft ixracından gəlirinin $110 milyard artaraq $1,226  trilyona çatacağını proqnozlaşdırıb. Bu göstərici 2008-ci ildə $1,116 trilyon olub.

Cari ilin yanvar-avqustunda OPEC-in neft ixracından gəliri $740 milyard təşkil edib.

EIA-nın qiymətləndirmələrinə görə, ötən il OPEC-in gəliri 2006-cı illə müqayisədə 10 faiz artıb. EIA-nın hesablamalarına əsasən, 2007-ci ildə gəlir $671 milyard təşkil edib ki, bu da 2008-ci illə müqayisədə $445 milyard azdır.

2007-ci ildə gəlirin böyük hissəsi Səudiyyə Ərəbistanının - $194 payına düşüb ki, bu da OPEC-in ötən ilki ümumi gəlirinin 29 faizi deməkdir.

EIA-nın məlumatlarına əsasən, 2008-ci ildə OPEC-in ümumi təchizat həcmi sutkada 37,25 mln. barel olacaq. Bu göstərici 2007-ci ildə 35,42 mln. barel olub. Proqnozlara əsasən, 2009-cu ildə təchizatın həcmi sutkada 0,48 mln. bareldən 37,73 milyonadək artacaq.

Enerji Informasiyası Dövlət İdarəsi Konqresin 1977-ci ildə yaratdığı ABŞ-ın Energetika Departamenti üzrə statistik agentliyidir.   

Xəbər lenti

Xəbər lenti