Azərbaycan, Bakı, 18 sentyabr/ Trend , müxbir E.İsmayılov/ "Azərbaycanın Dövlət Neft Fondu (ARDNF) PSA tipli neft müqavilələrinin imzalanmasının başa çatması ilə əlaqədar, 2008 - ci ilin sonunadək ölkənin neft - qaz yataqlarını işləyən əcnəbi şirkətlərdən bonus ödənişləri almağı gözləmir", - ARDNF-ın icraçı direktoru Şahmar Mövsümov cümə axşamı bildirib.
Onun sözlərinə görə, hazırda hazırlanma mərhələsində olan PSA sazişlərinin əksəriyyəti artıq imzalandığından, bu sazişlər üzrə bonus ödənişləri başa çatdırılıb.
"Cari ildə bonuslar üzrə $3,5 mln. məbləğində bir ödəniş olub", - Mövsümov qeyd edib.
2007 - ci ildə ARDNF- ə bonus ödənişlərindən $67 mln. daxil olub. "Şahdəniz" qaz - kondensat yatağında ilk qazın hasilatının başlaması ilə əlaqədar, bonusların böyük hissəsi ($45 mln.) bu yatağın işlənilməsi layihəsinin əcnəbi iştirakçılarının payına düşür. "Şahdəniz" layihəsində pay iştirakına əsasən, onun əcnəbi tərəfdaşları bonusları aşağıdakı şəkildə ödəyiblər: Norveçin StatoilHydro şirkəti - $12,7 mln. BP - $12,7 mln., Rusiyanın "LUKoyl" şirkəti - $5 mln., Fransanın Total şirkəti - $5 mln., İranın NİCO şirkəti - $5 mln., Türkiyənin TPAO şirkəti - $4,5 mln. (cəmi $45 mln.) ödəyib. Qaz Azərbaycan, Gürcüstan və Türkiyəyə satılır, kondensat isə, yüngül neftlə birlikdə, Bakı - Tbilisi - Ceyhan boru kəməri ilə ixrac edilir.
2007 - ci ildə ARDNF Azərbaycanın "Yalama" (D-222 bloku) perspektivli strukturunun kəşfiyyatı, işlənilməsi və hasilatın bölünməsi müqaviləsi çərçivəsində, LUKOİL Overseas Operating Company-dən $20 mln. məbləğində vəsait alıb.
Ötən il "Hövsan-Zığ" quru yatağının işlənilməsi layihəsi çərçivəsində, "Russneft" şirkətindən Dövlət Neft Fonunda $2 mln. məbləğində bonus daxil olub.
Sentyabrın 18 - nə olan cari mübadilə məzənnəsi -- 0,8126 AZN/USD.
Müəlliflə əlaqə saxlamaq üçün elektron ünvan: cap
