Azərbaycan, Bakı, 27 sentyabr/ Trend , müxbir E.İsmayılov/ ""Şahdəniz" qaz-kondensat yatağının işlənilməsinin ikinci mərhələsi çərçivəsində, hasilat həcmi 12 mlrd. kubmetrdən 16 mlrd. kubmetrədək ola bilər", - Statoil şirkətinin (Azerbaijan gas supply company-nin operatoru) vitse-prezidenti Olav Skalmeraas şənbə günü bildirib.
Onun sözlərinə görə, hazırda layihənin konsepsiyası müzakirə edilir. O, cari ilin dekabrında müəyyənləşdiriləcək və bundan sonra onun hazırlanması 2009-cu ilin üçüncü rübünədək davam edəcək. Konsepsiya tam hazırlandıqdan sonra, layihənin realizə forması və "Şahdəniz"in ikinci mərhələsindən hasilat həcmi barədə qərar qəbul ediləcək.
"Şahdəniz" layihəsinin birinci mərhələsi çərçivəsində, ən yüksək hasilat 8,6 mlrd. kubmetr təşkil edəcək.
Azərbaycanda "Şahdəniz" qaz - kondensat yatağının işlənilməsinin birinci mərhələsi çərçivəsində, hasilatın ümumi həcmi 180 mlrd. kubmetr qaz təşkil edəcək.
"Şahdəniz" layihəsinin birinci mərhələsi çərçivəsində ən yüksək illik hasilat 8,6 mlrd. kubmetr qaza bərabər olacaq.
"Şahdəniz" dəniz yatağının işlənilməsinə dair müqavilə 1996 - cı il iyunun 4 - də imzalanıb. Müqavilənin iştirakçıları aşağıdakılardır: BP (operator) -25,5 faiz, Statoil Hydro - 25,5 faiz, NICO - 10 faiz, Total - 10 faiz, LukAgip - 10 faiz, TPAO- 9 faiz, ARDNŞ - 10 faiz.
Bu yataqdan hasilat 2006 - cı ilin dekabrında başlayıb. Hazırda qaz Cənubi Qafqaz qaz kəməri ilə Gürcüstan və Türkiyəyə nəql edilir. Azərbaycan da qazın alıcısı kimi çıxış edir.
Yatağın işlənilməsinin birinci mərhələsi çərçivəsində, ildə 8,6 mlrd. kubmetr qaz hasil etmək nəzərdə tutulur. Bu həcm Azərbaycan, Gürcüstan və Türkiyəyə satılacaq. Realizəsi 2012-ci ildən sonra başlayacaq ikinci mərhələ çərçivəsində hasilat 20 mlrd. kubmetrədək artırılacaq.
