Azərbaycan, Bakı, 28 noyabr/ Trend , müxbirlər E.İsmayılov, N.İsmayılova/ Xaricdə layihələrin realizəsi məqsədilə, Azərbaycanda tikinti meydançalarından istifadə üzrə neft xidməti şirkətləri üçün xüsusi rejimlər haqqında qanun layihəsi yaxın günlərdə Azərbaycan parlamentinin daimi komissiyalarında nəzərdən keçiriləcək, - Azərbaycan Milli Məclisinin Iqtisadi siyasət daimi komissiyasının rəhbəri Ziyad Səmədzadə cümə günü bildirib.
"Gələn həftə bizim komissiya, Təbii ehtiyatlar komissiyası, Dövlət quruculuğu və hüquqi məsələlər komissiyası bu Qanun layihəsini nəzərdən keçirəcəklər", - Ziyad Səmədzadə bildirib.
Qanun layihəsinin işlənilməsinin əsas məqsədi Azərbaycanda qeydiyyatdan keçmiş, ölkə xaricində əməliyyatlar aparan əcnəbi şirkətlər üçün vergi yükünün azaldılmasıdır. Bu şirkətlər sırasında hökumətdə ölkə xaricindən kənarda həyata keçirilən regional layihələrdə iştirak üçün vergi güzəştlərinin verilməsi təklifi ilə çıxış etmiş Technip, Total, Bos Shelf və Maersk kimi şirkətlər var.
Azərbaycandakı layihələr üzrə fəaliyyətləri başa çatdığından, onlar regionun digər ölkələrindən sifarişlər qəbul edirlər. Azərbaycandan əməliyyatları həyata keçirməkdə davam edən şirkətlər Azərbaycan qanunvericiliyinə, həm gömrük, həm də vergi qanunvericiliyinə riayət etməlidirlər.
Müəlliflə əlaqə saxlamaq üçün elektron ünvan: [email protected]
