Azərbaycan, Bakı, 12 mart / Trend , müxbir R. Hafizoğlu/
Trend -un Yaxın Şərq redaksiyasının İraqın vitse-prezidenti Tarik əl-Haşimi ilə müsahibəsi:
- "Nabukko" qaz kəmərinin tikintisində İraq nə dərəcədə maraqlıdır?
- İraq hələ ki, "Nabukko" layihəsində iştirak etməyə böyük diqqət yetirmir, çünki ölkədə hasil edilən qaz daxili tələbatı çətinliklə ödəyir. Qaz ixracının artırılması istiqamətindəki vəziyyət gələcəkdə dəyişəcək.
- Ölkədə "Neft haqqında" qanunun mövcud olmamasını və dünya bazarlarında bu xammalın qiymətinin ani düşməsini nəzərə alaraq xarici neft şirkətləri üçün İraqa kapital qoyuluşu istiqamətində nə kimi perspektivlər mövcuddur?
- İraqda neft yataqlarının işlənməsində və tenderlərdə iştirak etməyə haqqı olan onlarla nəhəng beynəlxalq şirkətlər mövcuddur. Bu müraciətlər bir müddət sonra olacaq. Xarici neft şirkətləri istehsalatda iştirak etməyi daha üstün tutardılar, lakin hüquqi nöqteyi-nəzərdən hazırkı mərhələdə müqavilələrin imzalanması mümkün deyil. "Neft haqqında" qanunun müqavilələrin imzalanması istiqamətindəki mübahisələri həll edəcəyi haqqında danışmaq üçün çox tezdir.
- Ayın sonunda İraqda keçiriləcək ilk milli iqtisadi forumda hansı məsələlər müzakirə ediləcək və onun nə kimi məqsədləri var?
- İraqda martın 22-də keçiriləcək ilk milli iqtisadi forumun əsas məqsədi ölkənin hazırki vəziyyət nəzərə alaraq iqtisadi birliyə və iqtisadi, maliyyə, valyuta, neft və investisiya siyasəti ilə bağlı strategiyanın gələcək inkişafına nail olmaqdır.
İraqdakı iqtisadi qərarlar yalnız gündəlik tələbatı ödəmək üçün daxili səbəblərdən törəyir. Bu bizə öz potensialımızdan istifadə etməyə imkan vermir. Biz bunun üçün konkret məqsəd və strategiya hazırlaya bilmirik. Biz mikroiqtisadiyyatdan istifadə etmirik və bunu heç vaxt etməmişik. Və məhz iqtisadiyyatda biz birgə razılığa gələ bilməmişik.
Məqalə müəllifi ilə əlaqə ünvanı: [email protected]
