Azərbaycan, Bakı, 20 mart / Trend , müxbirlər E.İsmayılov, İ.Xəlilova /
"Qazaxıstan neftinin Bakı-Supsa boru kəməri ilə nəqli hələ ki, mümkün deyil", - SOCAR prezidenti Rövnəq Abdullayev bildirib. "Bakı-Supsa boru kəməri Azərbaycan neftinin "Azəri-Çıraq-Günəşli" yatağından nəqlinə xidmət edir. Qazaxıstanın neftinin Bakı-Supsa boru kəməri ilə nəqli çətin məsələdir və bu məsələ həll edilməlidir", - deyə Abdullayev qeyd edib.
Bu həftə Qazaxıstanın Azərbaycandakı səfiri Serik Primbetov bildirib ki, Qazaxıstan öz neftinin Bakı-Supsa boru kəməri ilə nəqlində maraqlıdır. "Bu marşrut Qazaxıstana Supsa limanının yerləşdiyi Gürcüstanın Qaradəniz sahillərinədək nəqlinə imkan verəcək", - deyə Primbetov qeyd etmişdi.
Hazırda bu marşrut ilə (Gürcüstanın Qaradəniz sahilindəki Supsa limanı) "Azəri-Çıraq-Günəşli" (operator BP) yatağında hasil edilən Azərbaycanın 100 min barel yüngül nefti ötürülür.
Məqalə müəllifi ilə əlaqə ünvanı: [email protected]