Türkmənistan, Aşqabad, 03 aprel / Trend , müxbir H.Həsənov /
"Türkmənqaz" dövlət konserninin ötən həftə elan etdiyi "Şərq-Qərb" qaz kəmərinin tikintisi üzrə beynəlxalq tender "dünya iş dairələrində böyük rezonans"a səbəb olub", - bu gün milli telekanal "Altın Asır" hökumətdəki mənbəyə istinadən xəbər verib.
"Tenderdə iştirak etmək istədiyini tanınmış neft-qaz şirkətləri bəyan ediblər", - YEK üzrə kurator, Baş nazirin müavini Taçberdı Taqıyevin sözlərindən sitat gətirilir. Türkmənistan prezidenti Qurbanqulı Berdımuhammedov öz növbəsində, gələn təklifləri diqqətlə öyrənməyi tapşırıb və milli YEK-in inkişafının diversifikası üzrə birgə layihələrin həyata keçirilməsinə xarici şirkətlərin geniş cəlb edilməsi və ümumilikdə xarici tərəfdaşlarla əməkdaşlığın mahiyyətini qeyd edib.
1000 kilometrlik "Şərq-Qərb" boru kəmərinin salınması zəngin karbohidrogen ehtiyatlarını Xəzərin sərhədlərinə çatdırmaq imkanı verəcək ki, bununla bağlı iki transmilli layihə - birbaşa Avropa İttifaqı ilə birləşəcək "Nabukko" və türkmən ixrac qazının böyük hissəsini alan Rusiyaya regiondakı mövcudluğunu daha çox gücləndirmək imkanı verəcək Xəzəryanı qaz kəmərinin salınması ideyası hazırlanır.
Məqalə müəllifi ilə əlaqə ünvanı: [email protected]