Azərbaycan, Bakı, 25 aprel / Trend /
SOCAR-ın (Azərbaycan Respublikası Dövlət Neft Şirkəti) Marketinq və İqtisadi Əməliyyatlar İdarəsi 2009-cu ilin yanvar-mart aylarında 6,7 mln. ton neft və təqribən 659 min ton neft məhsulları ixrac edib. Bu barədə Dövlət Gömrük Komitəsinin məlumatında bildirilir.
SOCAR şəxsi vəsaitləri hesabına 57-dən artıq yataqdan neft hasil edir. Azərbaycanda neft məhsulları ümumi gücü ildə 20 mln. ton neft olan iki Bakı neft emalı zavodunun (NEZ) bazasında istehsal olunur. SOCAR nefti Bakı-Tbilisi-Ceyhan (BTC) və Bakı-Novorossiysk boru kəmərləri vasitəsilə satır.
Gömrük Komitəsinin məlumatına görə, "Azneftyağ" İstehsalat Birliyi yanvar-mart ərzində Azərbaycandan təqribən 20,5 min ton, "Monolit-D LTD" firması isə 4,4 min ton neft məhsulları ixrac edib.
