...

Azərbaycan Dövlət Neft Fondu 2009-cu ildə aktivlərinin azalacağını gözləmir

Energetika Materials 26 May 2009 13:20 (UTC +04:00)

Azərbaycan, Bakı, 26 may / Trend , müxbir E.İsmayılov /

Dünya bazarlarında neftin qiymətinin qalxması qiyməti 2009-cu ildə Azərbaycan Dövlət Neft Fondu (ARDNF) gəlirlərinin formalaşdırıldığı neft qiyməti proqnozlarına yaxınlaşdırır ki, bu da büdcəyə düzəlişlərin edilməsinin hələ tez olması barədə bəyanatları doğruldur. Bu brədə çərşənbə axşamı ARDNF-ın rəhbəri Şahmar Mövsümov bildirib.

"Bizdə büdcə neftin bir barelinin 70 dollar qiyməti üzrə tənzimlənib, buna görə qiymətlər nə qədər qalxarsa, bir o qədər bizim büdcədə nəzərdə tutduğumuz proqnozlara yaxınlaşar. Büdcəyə dəyişikliklər etməyə tələsmək olmaz, ilin sonunadək gözləmək və nəyin baş verəcəyinə baxmaq və o zaman artıq həmin şəraitdən asılı olaraq qərar qəbul etmək lazımdır", - deyə Mövsümov vurğulayıb.

Mövsümov əvvəllər bildirib ki, neftin orta qiymətinin bir barelə görə 50 dollar olacağı təqdirdə ARDNF-ın aktivləri ilin sonunadək 11 mlrd. dollar ölçüsündə qalcaq.

"Bu il Neft Fonduna nə qədər vəsait daxil olarsa, o qədər də xərclənəcək. ARDNF-ın aktivlərinin azalması proqnozlaşdırılımır", - deyə Mövsümov əlavə edib.

Neftin orta qiyməti 70 dollar olacağı təqdirdə Dövlət Neft Fondunun gəlirləri səkkiz milyard manat səviyyəsində gözlənilir. Burada qaz satışından gəlirlər cəmi 200-300 milyard manat təşkil edəcək. 2009-cu ilin birinci rübündə, orta qiymət 50 dollar olduğu şəraitdə Fondun gəlirləri 1 349,2 mln. manat təşkil edib. Bunun 1 272,2 mln. manatı neft və qaz satışından gələn daxilolmların payına düşür. Cari ilin birinci rübündə ARDNF-ın dövlət büdcəsinə köçürmələri bu il üçün planlaşdırılan 4 915 mln. manat ümumi həcm çərçivəsində 1 330 mln. manat təşkil edib.

ARDNF-ın 2009-cu il büdcəsində təsdiq olunan gəlirləri 8,4 mlrd. manat, xərcləri isə 5,3 mlrd. manat həcmində proqnozlaşdırılıb.

Aprelin 1-nə olan vəziyyətə görə, Neft Fondunun aktivləri 8 721,4 mln. manat (10 863,9 mln. dollar) təşkil edib. 2008-ci ilin yekunu üzrə aktivlər isə 11,219 mlrd. səviyyəsində olub.

Mayın 26-na olan rəsmi məzənnə 0,8036 AZN/USD təşkil edib.

Məqalə müəllifi ilə əlaqə ünvanı: [email protected]

Xəbər lenti

Xəbər lenti