Azərbaycan, Bakı, 01 iyun / Trend , müx. A.Bədəlova /
ABŞ Dövlət Energetika İnformasiya İdarəsinin (EİA) hesablamalarına görə, 2010-cu ildə Azərbaycanda maye karbohidrogenin istehsalı sutka ərzində 1,1 milyon barel təşkil edəcək.
EİA-nın proqnozlarına görə, 2015, 2020, 2025 və 2030-cu illərdə ölkədə maye karbohidrogen istehsalı sutka ərzində 1 milyon barel təşkil edəcək.
OPEK-ə daxil olmayan ölkələrdə maye karbohidrogen istehsalı proqnozlara əsasən, 2030-cu ildə sutka ərzində 34,2 milyon barel olacaq.
2030-cu ildə dünya maye karbohidrogen istehsalının ümumi həcmi sutka ərzində 93,1 milyon barel təşkil edəcək.
EİA-nın proqnozlarına əsasən, dünyada neftin qiymətinin yüksək olduğu zaman Azərbaycanda maye karbohidrogenin istehsal həcmi sutka ərzində 0,9 milyon barel, aşağı qiymətlər zamanı isə 1,3 milyon təşkil edəcək.
EİA-nın beynəlxalq energetika məruzəsində bildirilir ki, Azərbaycanın təsdiq edilmiş neft ehtiyatı 1 yanvar 2009-cu il üçün 7 milyard barel təşkil edib.
Bu ilin əvvəli üçün dünyanın təsdiq edilmiş neft ehtiyatı 1,342 milyard barel olub, beləki bu, 2008-ci ilə nisbətdə 10 milyard barel artıqdır. Təsdiq edilmiş dünya neft ehtiyatının 56 faizi Yaxın Şərqdə cəmləşib.
Məruzəyə görə, Qazaxıstanın 2009-cu ilin əvvəli üçün təsdiq edilmiş neft ehtiyatı 30 milyard barel, İran - 136,2 milyard barel, İraq - 115 milyard barel təşkil edib.
Məqalə müəllifi ilə əlaqə: [email protected]
