Azərbaycan, Bakı, 02 iyun / Trend , müxbir E.İsmayılov /
Türkiyənin TPAO neft şirkəti Azərbaycanın "Şahdəniz" dəniz qaz-kondensat yatağının işlənməsinin ikinci fazasına bir milyard dollardan artıq investisiya yatırmağı planlaşdırır. Bu barədə çərşənbə axşamı Türkiyənin neft şirkətinin (TPAO) Azərbaycandakı ofisinin direktoru Gökan Aydınoğlu bildirib.
"1994-cü ildən bu günə kimi TPAO tərəfindən Azərbaycanın energetika layihələrinə qoyulan investisiyaların həcmi üç milyard dollar təşkil edir", - deyə Aydınoğlu bildirib.
"İkinci faza çərçivəsində razılaşmaya olan zaman yeni investisiyalar qoyulacaq. Bunların hamısı "Şahdəniz" qazının hara və hansı formada satılmasından asılıdır. Əgər biz hazırda bu məsələlərin həllindən danışsaq o zaman investisiyalar 2010-2014-cü illərdə qoyulacaq", - deyə Aydınoğlu bildirib.
Aydınoğlunun bildirdiyi kimi, Azərbaycanın energetika layihələrinə qoyulan investisiyanın ümumi həcmi iki milyard dollar dəyərindədir, bunun da bir milyarddan çoxu "Şahdəniz" yatağının işlənməsinin ikinci fazasına qoyulacaq.
Hazırda yatağın işləməsinin ikinci mərhələsi çərçivəsində qaz satışı üzrə danışıqlar davam edir. "Son ay ərzində Azərbaycan və Türkiyə arasında bu məsələ ilə bağlı müəyyən hərəkət mövcuddur", - deyə Aydınoğlu bildirib.
"Şahdəniz" dəniz yatağının işlənməsi üzrə müqavilə 1996-cı ilin iyun ayının 4-də imzalanıb. Müqavilənin iştirakçıları BP (operator) - 25,5 faiz, Statoil Hydro - 25,5, NICO - 10 faiz, Total - 10 faiz, LukAgip -10 faiz, TPAO - 9 faiz, QNKAR-10 faiz.
Hazırda qaz Gürcüstan və Türkiyəyə Cənubi Qafqaz qaz kəməri ilə nəql olunur. Bu ildə birinci mərhələ çərçivəsində bu yataqda doqquz milyard kubmetrdən çox qaz hasil olunacağı planlaşdırılır.
"Şahdəniz" yatağının işlənməsinin ikinci mərhələsinin həyata keçirilməsinə 2014-cü ildə başlamaq nəzərdə tutulub. İkinci mərhələ çərçivəsində hər il cəmi 20 milyard kubmetr qaz hasil olunacağı planlaşdırılır.
Məqalə müəllifi ilə əlaqə ünvanı: [email protected]