Azərbaycan, Bakı, 04 avqust / Trend /
"Azərenerji" SC (Azərbaycanda elektrik enerjisini istehsal edən və paylayan) Azərbaycanın İstilik Elektrik Stansiyasının (İES) müasirləşdirilməsi çərçivəsində Mingəçevir şəhərində (Bakıdan 295 km qərbdə) dördüncü enerji blokunun yenidən qurulması işini başa çatdırıb. Bu barədə çərşənbə axşamı SC-dən verilən məlumatda deyilir. Hazırda enerji blokunun gücü əvvəlki 300 meqavatla birlikdə 330 meqavata çatdırlıb.
"Stansiyanın beşinci enerji bloku orta səviyyədə təmir edilib, - məlumatda deyilir. - Üçüncü enerji blokunda iş qrafikinə uyğun olaraq yenidənqurma işləri də görülüb".
İES-in müasirləşdirilməsi çərçivəsində üçüncü və altıncı enerji bloklarının yenidən qurulması, beçinci enerji blokunda orta səviyyəli təmir, qalan enerji bloklarında cari təmir planlaşdırılıb.
İES-in enerji bloklarının müasirləşdirilməsi prosesinin 2010-cu ilin sonunadək tam başa çatdırılması planlaşdırlır. Yenidənqurma nəticəsində İES-in gücü hazırkı 2400 meqavatla birlikdə 3000 meqavatadək artırılacaq.
Stansiya 8 enerji blokundan ibarətdir. Stansiyanın gücünü blokların hər birinin yenidən qurulması hesabına artırılması planlaşdırılır. Hər blokun gücü 300 meqavatdır.
