Azərbaycan, Bakı, 17 avqust / Trend /
Avqustun 1-nə olan məlumata görə, Azərbaycanın əsas istehlakçılarının mazut ehtiyatı 359 min ton təşkil edib ki, bu da keçən ilin müvafiq dövründəki göstəricidən 5,2 faiz azdır. Bu barədə Azərbaycan Dövlət Statistika Komitəsi məlumat verib.
Avqustun 1-nə olan məlumata görə, avtomobil benzini ehtiyatı 13,7 min ton təşkil edib. Bu da ötən ilin yanvar-iyul aylarındakı göstəricidən 6,8 faiz çoxdur.
Əsas istehlakçıların dizel yanacağı ehtiyatı avqustun 1-nə olan məlumata görə, 15,2 min ton təşkil edib ki, bu da 2008-ci ildəki göstəricidən 11 faiz azdır.
Əsas istehlakçılarda aviasiya kerosini ehtiyatı 7,1 min ton təşkil edib ki, bu da 2008-ci ildəki rəqəmdən 20 faiz azdır.
Yanvar-iyulda əsas istehlakçıların daş kömür ehtiyatı 5,2 min ton təşkil edib. Bu da ötən ilin müvafiq göstəricisindən iki dəfə çoxdur.
