Azərbaycan, Bakı, 5 senbtyabr / Trend , müxbir E.İsmayılov/
Hazırda "Azəriqaz" İstehsalat Birliyi yanında "Bakqaz" İdarəsi (Bakıda qazı paylayan və satan) Bakı şəhərinin qaz sisteminə orta sutkalıq qaz verilişini 3,4 milyon kubmetr səviyyəsində saxlayır. Bu barədə şənbə günü idarədəki mənbədən məlumat verib. Bir müddəv əvvəl "Azəriqaz" QSC İB kimi ARDNŞ-nin (Azərbaycan Respublikası Dövlət Neft Şirkəti) tərkibinə daxil edilib.
"Nə qədər ki, hava şəraiti əlverişlidir, Bakıda qaz istehlakı sutkada orta hesabla 3,4 milyon kubmetr səviyyəsində qalır. Qaz verilişində dəyişkənlik müşahidə olunmur", - mənbədən deyilib.
Hətta hava şəraitinin cüzi dəyişkənliyi də paytaxtda qaz istehlakı göstəricilərinə təsir edir.
Mənbədən bir müddət əvvəl deyildiyi kimi, yanvar-iyulda paytaxtın qaz sisteminə 1,6 milyard kubmetrdən çox məişət qazı verilib.
İyulda paytaxtın qaz sisteminə iyundakı 114 milyon kubmetrdən çox göstəriciyə qarşı 109 milyon kubmetrə yaxın qaz verilib. Mayda sistemə təxminən 141 milyon kubmetr qaz verilib.
Ötən il İB Bakının qaz sisteminə ümumilikdə təxminən 2,45 milyard kubmetr qaz verib.
2008-ci ildə İB şəhərin qaz sisteminə qaz verilişinin mövsümi rejimindən (yay və qış mövsümü) tamamilə imtina edib. Bundan sonra verilən qazın həcmini istehlakçıların tələbatı müəyyənləşdirib. Əvvəllər yay mövsümündə qazın sutkalıq verilişi 3-4 milyon kubmetr təşkil edib. Qış mövsümündə isə bu rəqəm 10-13 milyon kub metr olub.
Məqalə müəllifi ilə əlaqə ünvanı: [email protected]
