Azərbaycan, Bakı, 16 sentyabr / Trend , müxbir E.İsmayılov /
ARDNŞ Cənubi Koreyada neft anbarlarında saxlanılan neft həcmlərinin istifadə edilməsi üzrə danışıqları davam etdirir. Bu barədə çərşənbə günü şirkətin yüksək rütbəli nümayəndəsi bildirib.
"Bu neft anbarlarının gücündən istifadə edilməsi və onların treydinqi üzrə və neftimizin mümkün tədarükü, sonra isə Cənub-Şərqi Asiya ölkələrinə kiçik topdan və böyük pərakəndə tədarüklər üzrə danışıqlar aparılır", - ARDNŞ nümayəndəsi bildirib.
ARDNŞ nümayəndəsinin qeyd etdiyi kimi, neft anbarlarının boş həcmləri məhdudlaşıb. Bu regionda isə bu ölçüdə analoji neft anbarları yoxdur.
"Əsas məqsəd mədaxilin maksimuma çatdırılması və ticarətin optimizasiyasıdır", - o bildirib.
Əvvəlcədən mənbənin qeyd etdiyi kimi, neftin böyük partiyalarının saxlanılması barədə razılıq əldə olunarsa ARDNŞ-ın treydinq şirkətinin (SOCAR Trading) Sinqapur ofisi neftin alınması, saxlanılması və Cənub-Şərqi Asiya bazarında satılması ilə tək özü məşğul olacaq.
Məqalə müəllifi ilə əlaqə ünvanı: [email protected]
