Qazaxıstan, Astana, 23 sentyabr / Trend , müxbir K.Konırova /
Qazaxıstan Azərbaycanla "svop" qaz əməliyyatı keçirilməsinin mümkünlüyünü nəzərdən keçirir. Bir müddət əvvəl Qazaxıstan Azərbaycana "Qazaxıstan-Çin" boru kəməri ilə qazın Çinə nəqli layihəsində iştirak etməyi təklif edib.
"...Azərbaycan qazını mübadilə edə bilərik. Aydındır ki, təbii halda Azərbaycan qazı boruya, Çinə gəlib çata bilməz, lakin onu bir qədər həcmdə Avropada mübadilə etmək imkanı var. Bu, mümkündür", - "QazMunayQaz" MŞ SC-nin icraedici direktoru Daniyar Bərliybayev deyib.
Azərbaycan qazının xüsusən, "Şah Dəniz" qaz kondensat yatağının (ümumi ehtiyatı 1,2 trilyon kubmetr) işlənməsinin ikinci mərhələsindən Cənubi qaz dəhlizi ilə Avropaya tədarük edilməsi planlaşdırılır. Ona Nabukko, İTGİ və Transadriatik qaz kəməri kimi marşrutlar daxil olacaq.
Qazaxıstan-Çin qaz kəmərinin tikintisi bu ilin iyulunda başlayıb. İnşanın başa çatdırılması və qaz tədarükünün başlanması 2010-cu ilin iyununa planlaşdırılır. İlkin buraxılış gücü ildə 4,5 milyard kubmetr təşkil edəcək. Növbəti mərhələlərdə qaz doldurulmasının həcmi boru kəmərinin ikinci qolunun istismara verilməsi və yeddi kompressor stansiyasının inşası hesabına artırılmalıdır. Qaz tədarükünün maksimal həcmi 2013-cü ilin sonuna ildə 40 milyard kubmetr olacaq. Ondan Çinə ildə 30 milyard kubmetr, Qazaxıstan Respublikasının ehtiyaclarına isə ildə 10 milyard kubmetr veriləcək.
Məqalə müəllifi ilə əlaqə ünvanı: [email protected]