Azərbaycan, Bakı, 28 sentyabr / Trend /
Yanvar-avqust aylarında Azərbaycanın şimali-qərb regionlarını elektrik enerjisi ilə təmin edən Şəki modullu elektrik stansiyasında 204 milyon kilovat-saata yaxın elektrik enerjisi istehsal edilib. "Azərenerji" SC-dən yayılan məlumatda deyilir.
Elektrik stansiyası 2006-cı ilin oktyabrında istismara verilib və 2009-cu il sentyabrın 1-dək bir milyard kilovat-saatdan çox elektrik enerjisi istehsal edilib.
10 aqreqatdan ibarət olan stansiyanın gücü 87 meqavat təşkil edir.
