Azərbaycan, Bakı, 08 oktyabr /Trend capital/
ARDNŞ yanvar-sentyabr aylarında Bakı-Novorossiysk şimal boru kəməri ilə 1,85 milyon tondan çox neft ixrac edib. Bu göstərici 2008-ci ilin analoji dövründə 948 min ton təşkil edib. Bu barədə ARDNŞ-ın məlumatında deyilir.
Sentyabrda bu boru kəməri ilə təxminən 140 min ton neft ixrac edilib, bu göstərici ötən ilin analoji dövründə 83 min ton təşkil edib.
2009-cu ildə ARDNŞ Bakı-Novorossiysk boru kəməri ilə neft ixracını 2008-ci ildə olan təxminən 1,3 milyon tona nisbətdə 2,5 milyon tona kimi artırmaq niyyətindədir.
2007-ci ildə bu marşrutla təxminn 1,2 milyon ton neft ixrac edilib ki, bu da 2006-cı ilin göstəricisinə yaxındır. 2005-ci ildə Bakı-Novorossiysk boru kəməri ilə ixrac 1,6 milyon ton təşkil edib.
