Azərbaycan, Bakı, 23 oktyabr / Trend , müxbir E.İsmayılov/
ARDNŞ (Azərbaycan Respublikası Dövlət Neft Şirkəti) "Bulla Dəniz" yatağının "Bulla Dəniz-82" platformasında yeni dərin kəşfiyyat quyularının qazılmasına başlayıb. Bu barədə cümə günü ARDNŞ-dəki mənbədən məlumat verilib. ARDNŞ yataqları öz vəsaitləri hesabına işlədir.
"Yeni quyunun qazılmasına başlanılıb və əgər quyunun dərinliyi çox olarsa, onun qazılması da kifayət qədər çox vaxt tələb edəcək", - mənbə bildirilib.
Mənbədən deyilənə görə, yeni quyunun qazılması bir il müddətində həyata keçiriləcək.
Proqnozlara müvafiq olaraq, yeni quyudan sutkada 500 min kubmetrə yaxın qaz və 80 ton qaz-kondensat hasil edilə bilər (illik 182,5 milkyon kubmetr qaz və təxminən 30 min ton qaz-kondensat). Daha əvvəllər bu quyunun qazılmasına başlanılsa da, iş sona çatdırılmayıb. 6400 metr layihə dərinliyindən 1200 metr qazılıb.
ARDNŞ-dən daha əvvəllər verilən məlumata görə, ümumilikdə "Bulla Dəniz" yatağından hazırda sutkada 450 min ton kubmetr qaz hasil edilir. ARDNŞ geoloqlarına görə, bu yataqda qaz hasilatını bir neçə dəfə artırmaq olar.
Azərbaycanda 57 neft-qaz yatağı var, onlardan 18-i dənizdə, qalanları isə quruda yerləşir.
Məqalə müəllifi ilə əlaqə ünvanı: [email protected]
