Azərbaycan, Bakı, 10 noyabr / Trend /
ARDNŞ yanvar-oktyabr aylarında Bakı-Novorossiysk boru kəməri ilə 2,1 milyon ton neft nəql edib, bu göstərici ötən ilin analoji dövründə bir milyon tondan çox təşkil edib, bu barədə ARDNŞ-ın Marketinq və İqtisadi Əməliyyatlar İdarəsinin məlumatında bildirilir.
Neft-qaz bazarındakı mənbənin daha öncə bildirdiyi kimi, oktyabrda Bakı-Novorossiysk neft kəməri ilə təxminən 248 min ton neft nəql olunub.
2009-cu ildə ARDNŞ Bakı-Novorossiysk neft kəməri ilə neft ixracını 2008-ci ildəki təxminən 1,3 milyon tona nisbətdə 2,5 milyon tona kimi artırmaq niyyətindədir.
2007-ci ildə bu marşrut ilə təxminən 1,2 milyon ton neft ixrac olunub ki, bu da 2006-ci ilin göstəricisi ilə analojidir. 2005-ci ildə Bakı-Novorossiysk boru kəməri ilə təxminən 1,6 milyon ton neft ixrac olunub.
Bakı-Novorossiysk boru kəməri ilə ARDNŞ-ın yataqlarında hasil etdiyi neft, həmçinin Azərbaycanda quruda çalışan birgə müəssisələr və əməliyyat şirkətlərinin neft ixrac olunur.
