...

ARDNŞ Bakı-Supsa boru kəməri vasitəsilə yüngül neft ixracını xeyli artırıb

Energetika Materials 10 Noyabr 2009 14:58 (UTC +04:00)

Azərbaycan, Bakı, 10 noyabr / Trend /

ARDNŞ yanvar-oktyabr aylarında Bakı-Supsa qərb boru kəməri marşrutu ilə 2,4 milyon tona yaxın "Azəri-Çıraq-Günəşli" yataqlarından hasil edilən yüngül Azərbaycan neftini ixrac edib, bu haqda ARDNŞ-in Marketinq və İqtisadi Əməliyyatlar İdarəsinin məlumatında deyilir.

Ümumilikdə, 2008-ci ildə bu boru kəməri vasitəsilə 407,1 min ton neft ixrac edilib. 2007-ci ildə boru kəmərində aparılan təmir işlərinə görə bu istiqamətdə yüklənmə olmayıb.

2006-cı ildən aparılan təmir işlərinə görə Bakı-Supsa marşrutu ilə neft ixracı  həyata keçirilməyib. Bu ilin yanvarında Gürcüstanın Qara dəniz limanı Batumi istiqamətində dəmir yolu vasitəsilə neft ixrac edilməyib.

Bakı-Supsa boru kəmərinin operatoru BP şirkətidir. Bu boru kəməri vasitəli nəqletmə 2008-ci il noyabrın əvvəllərində bərpa edilib.

Boru kəməri 2006-cı ilin sonlarından təmirdə olub. 2008-ci ilin ortalarında bu boru kəmərinə neft doldurulsa da, gürcü-osetin münaqişəsi səbəbilə bu proses dayandırılıb.

Xəbər lenti

Xəbər lenti