"Azərenerji" SC elektrik enerjisi istehsalını azaldıb
Azərbaycan, Bakı, 10 noyabr / Trend /
"Azərenerji" SC (ölkədə ən iri elektrik enerjisi istehsalçısı və paylayıcısı) yanvar-oktyabrda, ötən ilin analoji dövründə hasil edilən 17,3 milyard kilovatt saatdan çox elektrik enerjisinə nisbətdə 15,2 milyard kilovatt saatdan artıq elektrik enerjisi hasil edib.
Hasil edilmiş elektrik enerjisinin ümumi həcminin təxminən 13,5 milyard kilovatt saatı elektrik enerjisi istilik elektrik stansiyasının payına, 1,7 milyard kilovat saatdan çoxu su elektrik stansiyalarının payına düşüb.
Bu ilin oktyabrında "Azərenerji" sistemində, ötən ilin oktyabr ayında istehsal edilmiş 1,6 milyard kilovatt saat elektrik enerjisinə nisbətdə, 1,3 milyard kilovatt saat elektrik enerjisi istehsal edilib. Oktyabrda hasil edilmiş elektrik enerjisinin ümumi həcminin təxminən 1,1 milyard kilovatt saat elektrik enerjisi istilik elektrik stansiyasının payına, 0,2 milyard kilovat saatdan çoxu su elektrik stansiyalarının payına düşüb.
