Azərbaycan, Bakı, 20 yanvar / Trend /
ARDNŞ (Azərbaycan Respublikası Dövlət Neft Şirkəti) 2009-cu ildə Azərbaycan əhalisinə 849 milyon kubmetrdən çox qaz tədarük edib. Bu barədə ARDNŞ-nin məlumatında deyilir. Ötən ilin dekabr ayında şirkət əhaliyə 228,5 milyon kubmetr qaz verib.
Sənaye müəssisələrinə 421 milyon kubmetr, dekabrda isə 87,6 milyon kubmetr qaz ötürülüb.
Kommunal büdcə müəssisələrinə ötən il təxminən 54 milyon kubmetr qaz ötürülüb. Dekabrda bu göstərici 23,5 milyon kubmetr təşkil edib.
2009-cu ildə ARDNŞ tərəfindən digər müəssisələrə 141 milyon kubmetr qaz ötürülüb, ötən ilin dekabrında bu göstərici 42,43 milyon kubmetr təşkil edib.
Əvvəllər ölkə daxilində bütün qaz əməliyyatlarını "Azəriqaz" SC həyata keçirib. Ötən ilin iyununda SC İB qismində yenidən təşkil olunub və ARDNŞ-nin tərkibinə daxil edilib.