Azərbaycan, Bakı, 26 yanvar / Trend , müxbir H.Vəliyev/
Azərbaycan Milli Elmlər Akademiyasının (AMEA) Radiasiya Problemləri İnstitutu və Koreyanın Atom Enerjisinin Tədqiqatı İnstitutu elmi tədqiqat sahəsində əməkdaşlıq haqqında protokol imzalayıb. Bu barədə AMEA-nın məlumatında deyilir.
Protokol Elmlər Akademiyasının Radiasiya Problemləri İnstitutunun direktoru Adil Qəribovun Koreyaya səfəri zamanı imzalanıb.
Sənəd birgə elmi tədqiqatların keçirilməsi, kadrların hazırlanması və birgə layihələrin həyata keçirilməsini nəzərdə tutur.
Azərbaycan Milli Elmlər Akademiyasının nümayəndə heyəti səfər zamanı Koreyanın atom elektrik stansiyasında aparılan işlərlə tanış olub.
Məqalə müəllifi ilə əlaqə ünvanı: [email protected]