Azərbaycan, Bakı, 29 mart / Trend , müxbir E.İsmayılov/
22-26 mart həftəsində CIF liman Augusta şərtləri ilə Azərbaycanın Gürcüstanın Supsa, Batumi və Türkiyənin Ceyhan limanları vasitəsilə satdığı AZERI LT (CIF) növlü neftinin orta qiyməti $80,74/barel təşkil edib. Bu, ötən həftənin orta qiymətindən $0,07/barel aşağıdır.
22-26 mart həftəsində AZERI LT-nin maksimum qiyməti $81,64 /barel, minimum isə $79,92/barel təşkil edib.
"Azeri Light"ın API üzrə qatılığı 34,6 dərəcə, kükürdün miqdarı isə 0,14%-dir.
22-26 mart həftəsində Azərbaycanın Novorossiysk limanından satdığı URALS (EX-NOVO) növlü neftinin orta qiyməti $75,51/barel təşkil edib ki, bu da keçən həftənin orta qiymətindən $0,3/barel aşağıdır.
22-26 mart həftəsində URALS-ın maksimum qiyməti $76,48/barel, minimum isə $74,68/barel olub.
URALS-ın API üzrə qatılığı 32 dərəcə təşkil edir. Kükürdün miqdarı isə 1,3%-dir. Lakin satış zamanı müxtəlif vaxtlarda, tərkibində daha çox keyfiyyətli (və ya daha az) neftlərin dominantlığından asılı olaraq, bu neftin spesifik xüsusiyyətləri dəyişir.
22-26 mart həftəsində "Brent Dated" növünün orta qiyməti $78,49/barel təşkil edib ki, bu da əvvəlki həftənin orta qiymətindən $0,58/barel aşağıdır.
Ötən həftə "Brent"in bir barelinin maksimum qiyməti $79,35/barel, minimum isə $77,64/barel təşkil edib.
"Brent Dated"in qatılığı API üzrə 38,3 dərəcə, kükürdün miqdarı isə 0,36%-dir.
