Azərbaycan, Bakı, 9 iyun /Trend/
Bu ilin may ayında Cənubi Qafqazda ən iri elektrik stansiyası olan "Azərbaycan" İstilik- Elektrik Stansiyasında 318,8 milyon kilovat-saatdan çox elektrik enerjisi hasil olunub ki, bu da proqnozlaşdırılan həcmdən 1,8 milyon kilovat-saat çoxdur. Ölkədə istehsal olunan elektrik enerjisinin 45 faizə yaxını burada istehsal olunur. Bu barədə "Azərenerji" SC-nin mətbuat xidmətinin məlumatında deyilir.
İlin beş ayı ərzində stansiyada istehsalın həcmi 2,2 milyard kilovat-saat elektrik enerjisi təşkil edib.
Stansiya hər birinin gücü 300 mvt olmaqla, səkkiz enerji blokundan ibarətdir.