Azərbaycan, Bakı, 12 may /Trend/
ARDNŞ yanvar-may aylarında ölkənin dövlət büdcəsinə 425,28 milyon manat vəsait ödəyib. Bu isə ötən ilin analoji dövrü ilə müqayisədə 37,6% (116,311) çoxdur. Bu barədə şirkətin çərşənbə günü yayılan məlumatında deyilir.
Mayda bu göstərici 89 milyon manata yaxın təşkil edib.
Yanvar-may aylarında ARDNŞ Azərbaycan Dövlət Sosial Müdafiə Fonduna 49,62 milyon manat vəsait ödəiyb. Məlumata görə, bu, ötən ilin analoji dövrü ilə müqayisədə 18% çoxdur.
Mayda Sosial Fonda 10,2 milyon manat vəsait ödənilib. Bu, ötənilki göstəricidən 12,7% çoxdur.
İyunun 6-na olan rəsmi məzənnə 0,8038 AZN/USD təşkil edir.