Azərbaycan, Bakı, 6 iyul /Trend, müxbir E.İsmayılov/
ARDNŞ (Azərbaycan Respublikası Dövlət Neft Şirkəti) 2011-ci ildə Rusiyanın "Qazprom" şirkətinə iki milyard kubmetr qaz satmağı təklif edib. Bu barədə şirkətin prezidenti Rövnəq Abdullayev bildirib.
Rusiya ilə Azərbaycan qazının alqı-satqısı barədə ortamüddətli müqavilə (müddətin uzadılması mümkünlüyü ilə) ARDNŞ ilə "Qazprom" arasında Bakıda oktyabrın 14-də imzalanıb. 2010-2014-cü illəri əhatə edən müqaviləyə görə, Azərbaycan tərəfi hər il Rusiyaya 500 milyon kubmetr həcmində qaz nəql edir. Müqavilədə qaz nəqlinin həcminin həddi göstərilməyib. ARDNŞ yarım il əvvəldən şirkətin nəql edə biləcəyi həcm barədə qarşı tərəfə xəbər verməlidir.
Azərbaycan qazının Rusiyaya nəqlinə bu ilin yanvarından başlanılıb.
Cari ildə Rusiyaya bir milyard kubmetr Azərbaycan qazı ixrac olunacaq.
