Azərbaycan, Bakı, 9 avqust /Trend/
"ARDNŞ-AQŞ" MMC Xəzər dənizinin Azərbaycan sektorundakı "Günəşli" yatağında "Günəşli-13" dəniz platformasındakı quyudan süxur nümunələri götürüb. Bu barədə MMC-dən bazar ertəsi məlumat verilib.
Məlumata görə, nümunənin götürülməsində məqsəd qraumetrik və mineral tərkibin dəqiqləşdirilməsi, kollektorun xüsusiyyətləri və "Qala-2" lay dəstinin neft-qaz zənginliyinin dəqiqləşdirilməsidir. Nümunə 80 saylı quyudan götürülüb. İşlər "Azneft" İstehsalat Birliyinin sifarişi ilə həyata keçirilib. İşlər başa çatdıqdan sonra, seçilən süxur sifarişçiyə veriləcək.
MMC-də "Günəşli-11" platformasından da süxur nümunələrinin götürülməsi nəzərdə tutulub. Nümunənin 3975 metr dərinlikdən götürülməsi planlaşdırılır.
