Azərbaycan, Bakı, 11 sentyabr /Trend, müxbir E.İsmayılov/
Sentyabrın 15-dək Gürcüstanda "SOCAR" brendi ilə işləyən yanacaqdoldurma məntəqələrinin sayı 50 ədədə çatacaq. Bu barədə ARDNŞ-nin Gürcüstandakı törəmə şirkəti "SOCAR Energy Georgia"dakı mənbə bildirib.
"Hazırda yanacaqdoldurma məntəqələrinin ümumi sayı 46 ədəd təşkil edir, sentyabrın 15-dək isə bu rəqəm 50-yə çatacaq", - mənbə deyib.
Onun sözlərinə görə, bu məntəqələrin dördü də Gürcüstanın Telavi regionunda açılacaq.
Cari ilin sonunadək ARDNŞ Gürcüstandakı yanacaqdoldurma məntəqələrinin sayını 60 ədədə çatdırmağı planlaşdırır.
"SOCAR Georgia"nın həmtəsisçiləri ARDNŞ (51%), "Petro-Trans FZCO" (24,5%) və Vano Çxartişvilidir (24,5%).