Azərbaycan, Bakı, 24 sentyabr /Trend, müxbir İ.Xəlilova/
Cümə günü Azərbaycan Respublikası Dövlət Neft Fondunun (ARDNF) Müşahidə Şurasının növbəti iclası keçirilib. Azərbaycanın Baş naziri, Dövlət Neft Fondunun Müşahidə Şurasının sədri Artur Rasizadənin sədrliyi ilə keçirilən iclasda Fondun 2010-cu il büdcəsinə dəyişikliklərin edilməsi məsələsinə baxılıb. Bu barədə ARDNF-in cümə günü yayılan məlumatında deyilir.
"Müşahidə Şurası dəyişiklikləri məqbul hesab edib və həmin dəyişikliklərin təsdiq olunması üçün Azərbaycan Prezidentinə təqdim olunmasını qərara alıb", - məlumatda qeyd edilib.
Neft Fondundan bildirdiklərinə görə, təklif edilən dəyişikliklərin Fondun ümumi gəlir və xərclərinə aidiyyəti olmayacaq, onlar məxaric bəndlərində vasitələrin yenidən paylaşdırması ilə əlaqədardır.
"Fond tərəfdən maliyyələşdirilən bəzi layihələr üzrə yaranmış qənaətlə əlaqədar olaraq, bu vasitələrin başqa layihələrə yenidən göndərilməsi təklif edilir ki, bu da onların həyata keçirilməsini tezləşdirməyə imkan verəcək", - Fonddan deyiblər.
Bu il ARDNF-in büdcəsinə dəyişikliklər artıq bir dəfə edilib.
Azərbaycan Prezidenti İlham Əliyevin fərmanı ilə artıq iyulda 2010-cu il üçün ARDNF büdcəsinə dəyişikliklər daxil edilib. Düzəlişlərə əsasən, Gondun büdcəsinin gəlirli hissəsi 5 963 126,7 mindən 9 032 139,4 min manata (66,4 faiz) qədər artırılıb, məxaric hissəsi - 5 428 431,2 mindən 6 428 431,2 min manata (18,4 faiz) qədər, gəlirlər strukturunda, karbohidrogen xammalının satışından daxilolmalar 5 564 476,9 mindən 8 615 782,1 min manata qədər artırılıb, vasitələrin idarə edilməsi gəlirləri 241 936 mindən 250 002,7 min manata qədər artırılıb. Azərbaycan ərazisi vasitəsilə neft və qazın nəqli üzrə gəlirlər 9 640,8 min manat səviyyəsində təyin edilib. ARDNF-in büdcəsinin məxaric hissəsi dövlət büdcəsinə köçürmənin artırılması sayəsində 4,915 milyarddan 5,915 milyard manata qədər genişlənib.
İyulun 1-nə olan vəziyyətə görə, Neft Fondunun aktivləri ilin əvvəlinə nisbətdə (14 900,4 milyon dollar) 21,6 faiz artaraq 18 122,3 milyon dollar təşkil edib.
Yanvar-iyunda ARDNF-in gəlirləri 6 101,2 milyon manat, xərclər isə 2 630,2 milyon manat təşkil edib.
Sentyabrın 24-nə olan rəsmi məzənnə 0,8030 AZN/USD təşkil edir.