...

BOTAŞ Azərbaycan qazının qiymətindəki fərqə görə ödənişləri davam etdirir – ARDNŞ prezidenti

Energetika Materials 27 Dekabr 2010 17:29 (UTC +04:00)

Azərbaycan, Bakı, 24 dekabr /Trend, müxbir E.İsmayılov/

Türkiyənin BOTAŞ dövlət boru kəməri şirkəti Azərbaycanın "Şahdəniz" qaz yatağının işlənməsinin birinci mərhələsi çərçivəsində alınan qazın qiymət fərqi ilə bağlı yaranan borcun ümumi həcminin 750 milyon dollarını ödəyib. Bu barədə ARDNŞ prezidenti Rövnəq Abdullayev bildirib. BOTAŞ vəsaiti Azərbaycana və layihənin işlənməsi üzrə tərəfdaşlara ödəyir.

Abdullayevin sözlərinə görə, birinci tranş 500 milyon, ikincisi isə 250 milyon dollar həcmində həyata keçirilib.

"Ödənişlər normal rejimdə həyata keçirilir", - o qeyd edib.

Bir müddət əvvəl dövlətə neft-qaz layihələri və əməliyyatlarından vəsaitlərin toplandığı Azərbaycan Dövlət Neft Fondundan (ARDNF) deyildiyi kimi, BOTAŞ 2011-ci ilin aprelinədək qazın qiymətinə görə borcun 1,36 milyard dollarlıq bütün həcmini ödəyəcək.

"Şahdəniz" yatağı üzrə müqavilə 1996-cı il iyunun 4-də imzalanıb. Müqavilə iştirakçıları bunlardır: BP (operator) - 25,5%, Statoil - 25,5%, NICO - 10%, Total - 10%, LukAgip - 10%, TPAO - 9%, ARDNŞ - 10%.

Bundan əvvəl tərəflər "Şahdəniz" yatağının işlənməsinin birinci və ikinci mərhələsində qazın dəyəri, eləcə də Azərbaycan qazının Türkiyə ərazisindən tranzitinin şərtləri məsələsində razılığa gəliblər.

Tərəflər arasında razılaşma əldə olunmazdan əvvəl Azərbaycan qazı Türkiyəyə 1000 kubmetri 120 dollara tədarük edilirdi. Bununla belə, Türkiyənin daxili bazarında istehlak üçün neftin qiyməti 1000 kubmetrə 300 dollar təşkil edir (məlumatlar Türkiyənin BOTAŞ şirkətinin rəsmi saytındandır).

Türkiyə ilə bağlanan müqavilədə göstərildiyi kimi, "Şahdəniz"dən olan qazın qiymətinə tədarükə başlandıqdan bir il sonra yenidən baxıla bilər.

Müqaviləyə əsasən, Türkiyə "Şahdəniz" yatağının işlənməsinin birinci mərhələsi çərçivəsində bu yataqdan 6,6 milyard kubmetrədək qaz almalıdır (ehtiyatın ümumi həcmi 1,2 trilyon qiymətləndirilir).

Xəbər lenti

Xəbər lenti