Azərbaycan, Bakı, 18 yanvar /Trend, müxbir E.İsmayılov/
2010-cu ildə Azərbaycan Respublikası Dövlət Neft Şirkəti (ARDNŞ) Gürcüstan bazarında Azərbaycanın 442 min ton neft məhsulunu satıb. Bu göstərici 2009-cu ildə 406 min ton olub. Bu barədə çərşənbə axşamı ARDNŞ-nin Gürcüstandakı törəmə şirkəti "SOCAR Energy Georgia"dakı mənbə bildirib.
"Ötən ilin yekunları üzrə neft məhsullarının satış həcmi 442 min ton təşkil edib", - mənbə deyib. - Əvvəllər bu il şirkətin Gürcüstan bazarında 412 min ton neft məhsulu satması planlaşdırılmışdı.
ARDNŞ Gürcüstan bazarında benzin, dizel yanacağı, aviasiya kerosini, bitum, az miqdarda mazut və sürtkü yağları kimi neft məhsulları satır.
ARDNŞ neft məhsullarının pərakəndə satış bazarında da fəal iştirak edir. Şirkət bütün Gürcüstan üzrə yanacaqdoldurma məntəqələri şəbəkəsinə malikdir. Hazırda onların sayı 64 ədəd təşkil edir.
Azərbaycanda neft məhsulları ümumi gücü ildə 20 milyon ton olan iki NEZ-də istehsal edilir. Hər iki NEZ ildə öz vəsaitləri hesabına quruda və dənzidə hasil edilən altı-yeddi milyon tona yaxın neft emal edən ARDNŞ-nin tərkibinə daxildir.
Keçən il Bakı NEZ 6,22 milyon tondan çox neft emal edib. Bu göstərici 2009-cu ildə 6,03 milyon ton olub. 2008-ci ildə bu göstərici 7,35 milyon ton olub.
