...

Türkiyənin energetika nazirinin Azərbaycana səfərinin proqramı açıqlanıb (ƏLAVƏ OLUNUB)

Energetika Materials 21 Yanvar 2011 13:29 (UTC +04:00)
Türkiyənin energetika və təbii sərvətlər naziri Taner Yıldız Türkiyə və Azərbaycan ticari-iqtisadi əməkdaşlığı üzrə hökumətlərarası komissiyanın şənbə günü keçiriləcək altıncı iclasında iştirak etmək üçün Bakıya səfərə gələcək.
Türkiyənin energetika nazirinin Azərbaycana səfərinin proqramı açıqlanıb (ƏLAVƏ OLUNUB)

Səfərin daha geniş proqramı verilib (ilk xəbər 20 yanvar 20:06-da yayılıb)

Azərbaycan, Bakı, 21 yanvar /Trend, müxbir A.Axundov/

Türkiyənin energetika və təbii sərvətlər naziri Taner Yıldız Türkiyə və Azərbaycan ticari-iqtisadi əməkdaşlığı üzrə hökumətlərarası komissiyanın şənbə günü keçiriləcək altıncı iclasında iştirak etmək üçün Bakıya səfərə gələcək. Bu barədə Trend-ə Türkiyənin Energetika Nazirliyindən bildiriblər.

Səfər zamanı türkiyəli nazirin Azərbaycan Prezidenti İlham Əliyev və Baş nazirin müavini Abid Şərifovla görüşləri gözlənilir. Taner Yıldız və Abid Şərifov Azərbaycan-Türkiyə ticari-iqtisadi hökümətlərarası komissiyasının həmsədrləridirlər.

Yıldız Bakıya cümə günündən şənbə gününə keçən gecə gələcək və Azərbaycan paytaxtını şənbə günü axşam tərk edəcək.

Türkiyəli naziri səfər zamanı Türk Petrolları (TPAO) milli neft şirkətinin və BOTAŞ şirkətinin rəhbərləri müşayiət edəcəklər.

Türkiyə xəzinədarlığının 2010-cu il sentyabrın sonuna olan statistik məlumatlarına görə, Azərbaycanda Türkiyə investisiyaları 3,825 milyard dollara çatıb. Onların 3,573 milyard dolları Azərbaycanın energetika sektoruna qoyulub.

Xəbər lenti

Xəbər lenti