Azərbaycan, Bakı, 28 mart /Trend/
Hazırda Gürcüstan Azərbaycandan sutkada 4,7 milyon kubmetrə yaxın qaz alır. Bu barədə neft-qaz bazarındakı mənbə məlumat verib.
Tədarük olunan qazın ümumi həcmindən 2,4 milyon kubmetr "Şahdəniz-2" yatağından hasil olunan qazın, 2,3 milyon kubmetr isə ARDNŞ-nin (Azərbaycan Respublikası Dövlət Neft Şirkəti) öz neftinin payına düşür.
2010-cu ildə ARDNŞ tərəfindən Gürcüstana 339,16 milyon kubmetrə yaxın qaz ixrac edilib.
Gürcüstana qaz nəqli şirkətin gürcü bazarındakı fəaliyyəti çərçivəsində Qazax rayonu ərazisində iki ölkəni birləşdirən boru kəməri vasitəsilə həyata keçirilir. Bu kəmərlə qaz ixracının gücü ildə təxminən 3 milyard kubmetr qaz təşkil edir.
2008-ci ilin noyabrında Azərbaycan ilə Gürcüstan arasında saziş imzalanıb. Sənəd 2009-cu ildən başlayaraq sonrakı beş il ərzində Gürcüstanın qaz bazarında ARDNŞ-nin fəaliyyətinin fəallaşdırılması imkanlarını nəzərdə tutur. Memoranduma əsasən, ARDNŞ layihənin həyata keçirilməsi üçün Gürcüstan hökuməti tərəfindən müəyyən edilən qaz istehlakçıları qruplarını (sosial qruplar) təmin edən "SOCAR Georgia Gas" törəmə müəssisəsini yaradıb.
Həmçinin, 2008-cil il dekabrın sonunda ARDNŞ və Gürcüstan hökuməti 30 paylayıcı qaz təsərrüfatı və paylayıcı qaz şəbəkəsinin istifadəyə verilməsi barədə müqavilə imzalayıb. Bu şəbəkələr Gürcüstanın müxtəlif regionlarını əhatə edir.
