...

E.ON nümayəndələri iri müqaviləni tamamlamaq məqsədilə Bakıya gələcəklər

Energetika Materials 30 Mart 2011 15:05 (UTC +04:00)

Azərbaycan, Bakı, 30 mart /Trend, müxbir E.İsmayılov/

Apreldə paytaxtın paylayıcı qaz sisteminin yenidən qurulması və modernləşdirilməsi layihəsi çərçivəsində Almaniyanın E.ON şirkətinin işçi qrupu Bakıya gələcək. Bu barədə çərşənbə günü ARDNŞ-dəkı mənbə deyib.

Onun sözlərinə görə, işçi qrupun səfəri zamanı ARDNŞ-nin tərkibinə daxil olan "Azəriqaz" İstehsalat Birliyi ilə müqavilənin tamamlanması üzrə işlər aparılacaq.

"Səfər çərçivəsində müqavilənin şərtləri dəqiqləşdiriləcək, mətnin tamamlanamsı aparılacaq", - mənbə bildirib.

O, apreldə "Azəriqaz" İB və E.ON arasında müqavilənin imzalanmasını da istisna etməyib.

Bakı və Abşeron yarımadasının qaz sistemi ölkədə ən böyük sistemdir və 650 minə yaxın abonenti əhatə edir. Onun yenidən qurulması və modernləşdirilməsi üçün mövcud infrastukturun 90 faizi yenilənməlidir.

Layihənin həyata keçirilməsinə ümumilikdə, 800-900 milyon avro xərclənə bilər.

Xəbər lenti

Xəbər lenti