Azərbaycan, Bakı, 9 aprel/ Trend, müxbir İ.Xəlilova, E.İsmayılov/
Cari ilin sonuna "ARDNŞ-in "Azərikimya" İstehsalat Birliyi rentabelli istehsala çıxmağı planlaşdırır. Bu barədə Trend-ə İB rəhbəri Muxtar Babayev deyib.
"Təəssüf ki, istehsalımız hələ ki rentabelli deyil, lakin biz istehsalın optimallaşdırılması, xərclərin azaldılması sayəsində ilin sonuna rentabelli istehsala çıxmağa çalışacağıq", - Babayev bildirib.
Babayevin dediyinə görə, lakin İB-nin ayrıca istehsal gücü rentabellidir, lakin istehsal gücünün bir qismi təmir və yenidənqurma tələb edir.
Onun sözlərinə görə, birinci rübün yekunları üzrə İB istehsal üzrə plan göstəricilərini 5-6 faiz qabaqlayır. Lakin yayda istehsal təmir işlərinin aparılması ilə əlaqədar 1,5-2 ay dayandırılacaq.
"İB kimya müəssisələrində itkiləri azaltmağa və bu ilə planlaşdırılan istehsal göstəricilərini təmin etməyə imkan verəcək keyfiyyətli təmirin aparılmasını planlaşdırır", - Babayev bildirib.
Bir-iki il ərzində İB gəlirli istehsala çaxmaq niyyətindədir. Bu, İB-nin tərkibə daxil olan müəssisələrin yenilənməsi və yenidən qurulması çərçivəsində nəzərdə tutulan işlər sayəsində mümkün olacaq. Hazırda "Azərikimya"nın balansında kimya məhsulu istehsalı üzrə 8 müəssisə var.
Cari təmir işlərin həyata keçirilməsi və xammal idxalı üçün İB Azərbaycan Beynəlxalq Bankının (ABB) vəsaitlərini cəlb edir.
"Biz ABB ilə yaxşı tərəfdaşlıq münasibətləri qurmuşuq və hazırda bank qarşısında kredit borcu 40 milyon dollar təşkil edir", - Babayev əlavə edib.
Kimya məhsulunun istehsalı üçün İB xammal bazasının çeşidini də genişləndirib. Əvvəllər "Azərikimya" xammal kimi naftadan istifadə edirdisə, indi qaz benzini, С3-С4 qazlarının fraksiyasından, eləcə də quru qazdan istifadə olunur.